Цæсгомон номивджытæ.

Цœсгомон номивджытœ.

(Лингвистикон аргъау).

   Раджыма - раджы дунейы мидœг уыд алœмœты бœстœ. Сœрдариуœг дзы кодта паддзах . Йœ ном хуынди Морфологи. Райсомœй раджы сфœнд кодта Морфологи бабœрœг кœнын,  йœ бœрны цы бœстыхœйттœ уыди, уыдон. Бирœ фœцыдаид, чысыл, чи йœ зоны, фœлœ бахœццœ номивœджы бœстыхаймœ.

-Мœлœты бирœ стут!-загъта Морфологи номивджыты егъау къорд ауынгœйœ.

-Бирœ нœ, фœлœ гыццыл куы уœм нœ нымœцмœ гœсгœ, уœддœр дын стœм кœддœриддœр цœттœ  балœггад кœнын,-загътой номивджытœ.

Куыннœ уыдаид Морфологийœн œхсызгон уыцы ныхœстœ фехъусгœйœ œмœ загъта:

-Уый зœрдœмœдзœугœ хабар у. Стыр бузныг уын уœд уœ лœггœдœй, фœлœ уœ нырмœ  уœ нысаниуджытœм гœсгœ куыд ничи адих кодта хицœн къордтыл?

-Рохуаты аззадыстœм, œвœццœгœн, дœ бœрзонддзинад,-

кœуœгау сдзырдтой номивджытœ.

-Дœхœдœг уыцы куыст куы нœ бакœнай, уœд, нœ зынаргъ Морфологи, уыцы куыст  нывыл ничи бакœндзœн,-загъта номивджытœй иу.

-Курœм дœ, хатœм дœм, фœдих нœ кœн хицœн къордтыл œмœ нœ цард ацы паддзахады фенцондœр уа.

-Уœ тœригъœдмœ мœ бон кœсын нœу œмœ уын œххœст кœнын уœ курдиат. Фœхицœн-ма ут дзыллœйы къордœй цалдœр номивœгœй,-сœрыстырœй загъта паддзах.

-Ǽз рацœуон?Мœн фœнды ! Дœу дœр мемœ кœнын, - рахъœр кодта Ǽз.

-Мœн кœныс, уый диссаг нœу, фœлœ ма уœртœ уыдоны дœр акœнœм,- загъта Ды  Мах, Сымах, Уыдонмœ œвдисгœйœ.

  Сразы ис Ǽз  Ды-йы фœндыл,  œмœ ратахтысты номивджытœ кœрœдзийы фœдыл   паддзахы размœ.

- Тœхгœ бœргœ ракодтат, фœлœ цытœ нысан кœнут, уый дœр ма œххœст  куы зœгъиккат.

- Ǽз œвдисын дзурœджы цœсгом,- йœ сœр бœрзонд сисгœйœ загъта Ǽз.

-Ǽз та œвдисын кœимœ дзурын, уый цœсгом, - загъта Ды.

-Ǽз та œвдисын ныхасы чи нœ архайы, уый цœсгом, - загъта Уый.

- Мах та œвдисœм цалдœргай цœсгомы,- œмдзыхœй сдзырдтой Мах, Сымах, Уыдон.

-Иугœр ныхас цœсгœмттыл цœуы, уœд абонœй фœстœмœ сымах хаст цœудзыстут  цœсгомон номивджытœм, - загъта паддзах œмœ дарддœр ацыд бœрœг кœнын йœ паддзахады  иннœ бœстыхœйттœ.